رجل برج الدلو - كلاكيت تاني مرة
بعد أن كتبت عن رجل برج الدلو - جائت تعليقات وأسئلة من زوار المدونة عن رجل برج الدلو - و قد وجدت أن بعض التعليقات التي أضفتها يمكن أن تمثل أضافة ففضلت أن أفصلها عن التعليقات الخاصة - وأفصل ما هو عام عن برج الدلو في بوست منفصل ذلك لتعم الأستفادة لأنه قليل من يقرأ كل التعليقات وخصوصا أن معظمها شخصي وطويل جدا و أعتقد أن هذا يعمق فهم رجل برج الدلو
رجل الدلو مبيحبش القيود ومتردد في الزواج
رجل برج الدلو عاطفي من داخله , لكن مشكلته انه مودي ولأن ظروف عصرنا مهببة فبيتوتر بسرعة و بيبقى موده زي الزفت
صحيح رجل برج الدلو نادرا و قليلا ما يغار , لكن هذا لا يعني أنه لا يحب , كما لا يحمل مظاهر الرومانسية , لكنه رومانسي في داخله
تردد رجل برج الدلو يأتـي من التمعن في التفكير , وهو لايعتبر سلبي لكن المشكلة أنه يحبط بسهولة , حسسيه بالثقة و اسأليه عن رأيه في الموضوع دون نقد , وسيجيبك بما في رأسه , فهو كما قلنا صريح زيادة عن اللزوم , ولا تنسي أيضا أنه يتهرب من الزواج !
معلش نتكلم شوية كمان عن رجل برج الدلو : خنيق في السن الصغيرة و بيتعامل مع خطيبته او حبيبته زي مبيتعامل مع واحد صاحبه , لكنه بيتطور (ببطء شديد في هذا الجانب ) , أما بخصوص قوة الشخصية فمتقلقيش لأن شخصيته بتتطور بسرعة فهو برج متطور دائما , لكن مشكلة السن الصغير في جميع الأبراج هي رؤية الأشياء في صورة أبيض و أسود فقط , في حين ان الدنيا عبارة عن جميع درجات الجراي الرمادي يعني ! وكل الألوان كمان , للأسف الشديد رجل برج الدلو في السن الصغير يكون عنده غباء اجتماعي شديد , يميل الى الحسم والحزم و بيحول التصرفات المقابلة الى قضية ! ولأنه مودي ومتقلب فهو يتأرجح بين المعاملة السوبر والمعاملة الجافة وبشكل عام عندما يكون متعصبا يكون لا يطاق و بيهبد كلام زي الرصاص , في السن الصغير عنده حب استحواذ وبيحاول بعد الجواز يعزل البنت عن أهلها !!!!
وزي مقلنا قبل كدة بيهرب من الجواز في داخله لأنه لا يحب المسئولية ولا ضغوط عملية الجواز وكمان بيحب حريته جدا
الرجالة كلهم بشكل عام ينتظروا أن يأتي التغيير من المرأة
نصائح ذهبية للتعامل مع رجل برج الدلو :* عندما تحتاري في شئ بخصوصه ببساطة اسأليه وهو هيدلك صدقيني !
*ثقي فيه و اسمعي كلامه و لو من باب خلينا مع الكداب لحد باب الدار , وممكن تقولي رأيك وبعد كدة قوليله بس أنا هنفذلك اللي انتا عايزه عشان أنا بحبك وبثق فيك وفي قدراتك
* ادفعيه للأمام بدون نقد
* أظهري له حبك*
من اكثر الحاجات اللي بتنرفز وبتغيظ رجل برج الدلو هو الأتفاق على شئ ثم عدم تنفيذ الأتفاق
*رجل برج الدلو بيحب الأتفاقيات والحلول الوسط , استخدمي هذه الطريقة للتعامل معه , واذا أردت منه شيئا يغيره قوليله تحب تاخد ايه وتعملى اللي انا عاوزاه !
(لا تستخدم القاعدة التالية الا في الضرورة القصوى لخطورتها !)
آخر سر من أسرار صفات و شخصية رجل برج الدلو :*******لو منفعش كل دة آخر حل سيبيه خالص (مش خصام , الخصام مش هيجيب نتيجة) يعني اقطعي علاقتك بيه أيوة في الأول مش هيهمه ! لكن بعد كدة هيحاول يستعيدك بكل الطرق !ساعتها ارجعيله بس مش بسرعة وهتلاقيه اتغير خالص و بقى متمسك بيكي و حريص على زعلك !!!!!انا عارف اني بقول كلام غريب بس دي الحقيقة !و افتكروا كلام الأغنية اللي تنطبق تماما على أوصافه :ممكن أنسى اسمي انسى الناس لكن اول مرة احب متتنسيش ليه يا قلبي اللي يسيبك يفضل طول عمره حبيبك بس ليه !
أما بخصوص تغيير الدلو : مش هيتغير و أي محاولة لتغييره بتقابل بعناد شديد ,وبيعتبرها عدوان على شخصيته.الوسيلة الوحيدة لتغييره هي الأقناع والأقتناع , ثم التجربة والخط أيعني هتحاولي تقنعيه بطرية لطيفة ومفيش مانع من بعض التأثيرات الأنثوية لو ماجبتش نتيجة مترزليش عليه وسيبيه ينفذ اللي في دماغه , مع الوقت لو تكرر انه لقى كلامك هو اللي صح هيبتدي ياخد برأيك , ولو مع الوقت ثبت ان كلامه هو اللي صح فلازم بقه تديله ثقة اكتر واعتقد انه يستحقها
برج الدلو في الصغر غير الكبر لأنه برج متطور أي دائم التطور وينضج باستمرار ولا يتوقف أبدا عن النضج , يظهر من الكلام أنه مازال صغيرا يعني في أوائل العشرينات , متى سيقول بحبك ؟ : عندما يكبر وينضج و أيضا عندما يحس بها ملء قلبه , فرجل الدلو معنى الحب عنده كبير و كلمة الحب عنده كبيرة و تمثل التزام وهو لا يحب الألتزام و اعتراف بالضعف وهو لا يحب ان يكون ضعيفا , الخلاصة لا تستعجليه
كيف أعرف أنه يحبني من تصرفاته ؟ : لن تعرفي لأن كل تصرفاته (طالما هو معجب بيكي وهو بالفعل كذلك) ستدل على حبه لكي فهو حنون و ستجديه في المواقف الصعبة وستجديه يبدي الأهتمام بك في تصرفاته لكن هذا لا يعني أنه يحبك !
سأقول لك سرا من أسرار رجل برج الدلو :عامليه كويس ولا تكوني ضاغطة عليه , سيتغلغل حبك في قلبه دون أن يدري , فهو يحب من يحبه و العشرة تزيد في حبه , يعني بالبلدي حبه جاي جاي بس بلاش تستعجلي وتبخلي عليه بحبك , لا تنسي أنه يقاوم الحب ! بس مقاومته هتنهار متقلقيش أعطيه حبا و لا تبخلي سينهار و سيفيض حبا صدقيني و لن تندمي -
دلو يعني الرغي والتطويل و الأسهاب والدلو بيحب اللي يسمعله ويشاركه فكريا !
(لأنه ينضج عقليا مبكرا جدا وينضج عاطفيا متأخرا جدا !)
برج الدلو أكثر الأبراج تقلبا (بعد أنثى الجوزاء)
رجل الدلو ملكة النقد عنده عالية
متنسيش القاعدة الذهبية - الدلو بيكون زي اللي قدامه لو كان اللي قدامه عصبي بيكون عصبي ولو اللي قدامه عندي بيعند ولو اللي قدامه كريم بيكون اكرم منه و هكذا-
هجيبلك من الأخر رجل الدلو في السن الصغيرة لن يقبل منكي الا الانصياع الكامل او الطاعة الكاملة و بيحب الدلع ومش بيحب المقاوحة - بيحب السلاسة
يا ترى هتقدري تلبيله اللي هوا عايزه ؟بالمناسبة لو لبيتيله اللي هو عايزه هيبيلك اللي انتي عايزاه (بس تقوليله على طلباتك ) ما عدا انك تطلبي منه انه يتغير !
هو مش بيتظاهر بالبرود العاطفي ولا حاجة , لكنه بيتكلم جد , صوت العقل عنده هو اللي بيتكلم (و دة طبيعي لأنه أكثر الأبراج عقلانية على الأطلاق - ودة بيأثر في ان كلامه بيبقى مش عاطفي و احيانا جاف واحيانا صادم)
بشكل عام الرجل بيحب الغموض وبشكل خاص رجل الدلو يحب استكشاف المجهول لكن لو وجد اللي امامه مصمم يبقى مجهول بيعتبر الشخصية دي ملاوعة-ودة بيقلل ثقته في هذا الشخص- , فلو قلت ان السيناريو أو الخطة اللطيفة تكون : شوية غموض في الأول ثم شوية دلع ثم شوية تقل ثم دلع ثم اتفاق يعني deal , انما هو بيحب التغيير او بالأصح التجديد ودة احيانا الناس بتعتبره انه بيحب الغموض , تاني بقول انه بيحب التحديات ودة بيخليه ينجذب شوية لاستكشاف (او بالفصحى : سبر أغوار) الشخصية , لكنه أبدا لن يحب شريكة حياته تكون غامضة دائما !!!!
رجل برج الدلو له تقلبات نفسية دائمة مثل الموجة و شوية متحمس وشوية محبط , شوية وهو هيروق لوحده, يعني لو فيه مرة مش عارفة تهديه يبقى تسيبيه مع نفسه شوية وهو هيهدى لوحده , و هيقدر تحملك ليه وقت عصبيته
رجل برج الدلو ممكن يحب على مراته , بس انه يتجوز عليها صعب , بس ممكن يتجوز عرفي (لأنه مش عاوز مشاكل مع مراته الأولى و بيخاف الأوضاع تتعقد ) فهو ساذج في عواطفه , لكن العقل يحكم تصرفاته ولا يحكم مشاعره
شجعيه دايما لأن الدلو بيحبط بسرعة - لما يحصله حاجة في شغله-
- بعد الجواز بفترة - هتلاقيه مركز في شغله , ده مش اهمال منه ليكي - حبك في قلبه - لكنه بيحب يركز في مستقبله و مطمن انك دايما جنبه
برج الدلو سواء الرجل او الأنثى بيبقى حالته النفسية في صورة موجات شوية فوق وشوية تحت
رأيي ان رجل برج الدلو مش بخيل لكنه بيحسبها شوية - كمان بيفرق حسب قدراته المادية-
للتعامل مع رجل برج الدلو في سطر واحد :هو عايز واحدة تستحمله و تحبه( وبختبر حبها و بيختبر تحملها ليه و بتأكد ان كل دة مش وقتي و شوية وهيتغير) و اللي بتديله دة بتفوز بيه و بميزاته
و نصيحة لكل واحدة مقبلة على الأرتباط برجل برج الدلو : لو المعادلة اللي انا قولتها دلوقتي مش قادرين عليها او شايفين ان الموضوع مش جايب همه - يبقى بلاش دلو خالص اتفقنا ؟
على فكرة رجل الدلو مش ممكن ياكل و ينكر
كل برج له مميزاته و عيوبه
رجل الدلو ممكن ميكونش أفضل حبيب و لكنه أفضل صديق و من أفضل الازواج
باختصار هو شوية هيكون عند حسن ظنك -استمتعي بالفترة دي - وشوية بيبفي مش عند حسن ظنك - تستحمليه في الفترة دي لحد متعدي - لأنه شوية فوق و شوية تحت
انا عارف انك صعبانة عليكي نفسك انك بتحبيه اكتر بكتير من ما هو بيحبك - بس دة لأنه بيقاوم الشعور جواه عشان بيحس ان دة ضعف و لأنه عارف انه لو حب هيبقى واقع تحت تأثير اللي بيحبه - اكبسي عليه و خللي حبك يخليه ميفكرش - كمان هو اللي بيظهر من حبه اقل بكتير من الحقيقي و اكتر من توقعه هو نفسه - هو كائنين كائن رومانسي و كائن عقلاني لكن الكائن العقلاني فارض سيطرته على الكائن الرومانسي - ياريت تكسبي الكائن العقلاني في صفك و تستحوذي على الكائن العاطفي - عشان يلعبوا مع بعض سوا سوا من غير خناق
و في الأخر انا مكنتش أعرف ان رجل الدلو مطلع عين ناس كتير كدة ؟؟؟!!!
انا لسة مرتبطة
انا لسة مرتبطة برجل الدلو عايزة اعرف اعمل اية معاه علشان يجى يتقدم بسرعة
تعلي إيه مع برج دلو
wallahi ana zayek 7assa enno
wallahi ana zayek 7assa enno hayganeny 2orayeb ba7es kteer enno bey7ebeny w fe nafs el wa2t 3ando 7alet broood fazee3 w nefsi yenta2 bs a3ml a m3ahhh wallahi t3ebt
مش هاييجى
انتى بس اسمعى كلامه وقضيها لكن جواز بالضغط مش هاييجى لكن لو حبك هاييجى لوحده واوعى تضغطى عليه علشان هايطير منك
دلووي
رد على التعليق الاخت دلووي
اختي انا ايضا من برج الدلو يمكن ان انفعك
برج الدلو من الصعب ان يبوح لك بكلمة احبك ولكن يعبر على دلك بتصرفاته لدلك عليك انت بالمبادرة
بفتح المجال له بأنك تعرفين نيته وانك تنتضرين فقط افصاحه عنها وتبادري لكي يصارحك
شكرا بالتوفيق
borj el dalw wel asad
ana metlek wallah :s:s:
ana ontha asad w b7eb rajol dalw :s:s,, mizajitou janetni w kaman bouroudou!!!!!!!!!!!!w lama net5asam klmou kter jare7 7atta ennou uhadedni ennou yb3d 3ani :s
bas el fatra héthi 9arart eni ab3d 3anou shway, w ma kalmouch ela lama howa ykalemni, w mla7za shwaayya taghayourat!! w rabna yostor :s:s:s:s
borj el dalw wel asad
ana metlek wallah :s:s:
ana ontha asad w b7eb rajol dalw :s:s,, mizajitou janetni w kaman bouroudou!!!!!!!!!!!!w lama net5asam klmou kter jare7 7atta ennou uhadedni ennou yb3d 3ani :s
bas el fatra héthi 9arart eni ab3d 3anou shway, w ma kalmouch ela lama howa ykalemni, w mla7za shwaayya taghayourat!! w rabna yostor :s:s:s:s
يا حبيبتي أنت مثلي ثماما لكن
يا حبيبتي أنت مثلي ثماما لكن أقول لك أن حب الدلو ليس سهل و هو صريح جدا لاكن حذاري فيمكن أيكون صريح بلكذب
خديها نصيحا من عندي
لاكن إذا أردتي أن تتقربي منه فأنصحك أن تكوني فتاة غامضة
مليءة بلأسرار
هذا هو سر رجل الدلو
در على دلووى
علِّق